Chelsea kuwapoteza nyota wake, Mourinho kuitibulia

Klabu ya Chelsea imekuwa ikitajwa kumtaka mlinzi wa klabu ya Tottenham ambaye ni raia wa Ubelgiji, Toby Alderwield ambaye anaonekana kutopata nafasi kwenye kikosi cha Tottenham kilicho chini ya kocha Mauricio Pochettino ambaye anaonekana kumwamini sana nyota wake kinda, Davinson Sanchez.

Mara baada ya nyota huyo kutakiwa kwa karibu na Chelsea, kocha wa zamani wa Chelsea, Jose Mourinho ambaye kwa sasa anaifundisha klabu ya Manchester united anatajwa kutaka kuiharibia Chelsea mara baada ya klabu yake kutajwa kumuwania mlinzi huyo mwenye miaka 29 kwa sasa.

Licha ya kocha huyo raia wa Ureno kuonekana amejiandaa kuiharibia Chelsea, akitaka kuipiku katika mbio za kumnasa nyota huyo lakini inaaminika Chelsea ina uwezo mkubwa wa kumnasa mbelgiji huyo haswa kutokana na uhitaji wake wa safu ya ulinzi ikitajwa kuwa na mashaka juu ya kuendelea kubaki na nyota wake David Luiz ambaye inaelezwa hana mahusiano mazuri na kocha Antonio Conte lakini pia kuonekana kuporomoka kwa kiwango cha Gary Cahill mwenye miaka 33 kwa sasa.