Chelsea yafanikiwa kutua Ufaransa, yamsainisha nyota wake

Wakati Chelsea ilipokuwa ikiendelea kucheza michezo yake wiki iliyopita, klabu ya Chelsea Ladies yenyewe ilikuwa imesimama kucheza michezo yake ili kupisha ratiba ya michezo ya kimataifa ambapo wachezaji baadhi wa Chelsea waliochaguliwa kujiunga na timu hizo walicheza michezo hiyo.

Ndio kama inavyotokea kwa sasa ambapo wachezaji wa Chelsea FC wameungana na timu zao za taifa kucheza michezo ya kimataifa lakini kwa upande wa dada zao, kesho watakuwa uwanjani kucheza mchezo wa kwanza wa ligi ya mabingwa barani Ulaya kwa soka la wanawake ambapo watacheza mchezo huo nchini Ufaransa ambapo wametua nchini humo siku ya jana.

Akina dada hao wa Chelsea Ladies wametua nchini humo ambapo leo usiku watashuka uwanjani kumenyana dhidi ya klabu ya akina dada ya Montpellier katika hatua ya robo fainali huku mchezo wa marudiano ukitarajiwa kufanyika  tarehe 28-Marchi huko nchini Uingereza.

Wakati hilo likitokea, klabu hiyo ya Chelsea Ladies imefanikiwa kumsainisha tena mkataba mpya wa miaka miwili nyota wake Drew Spence ambaye amesaini mkataba mpya utakaomfanya kuwa mchezaji wa Chelsea Ladies mpaka mwaka 2020.