Chelsea yafudhu kucheza nusu fainali

Chelsea Ladies jana ilifanikiwa kupata ushindi muhimu ikiwa nyumbani dhidi ya klabu ya Montpellier ya nchini Ufaransa katika mchezo wa pili wa robo fainali ya klabu bingwa barani Ulaya kwa soka la akina dada.

Magoli mawili ya Fran Kirby na moja la Bachmann yalikamilisha idadi ya magoli matatu yaliyoifanya klabu hiyo kushinda magoli 3-1 dhidi ya klabu hiyo kutoka nchini Ufaransa na hivyo kumaanisha Chelsea Ladies inafanikiwa kufudhu kwa mara ya kwanza kucheza nusu fainali ya michuano hiyo ya klabu bingwa Ulaya huku mchezo wa kwanza uliisha kwa Chelsea Ladies kupata ushindi wa magoli 0-2 na kuifanya kufudhu kwa jumla ya magoli 5-1.

Kwa matokeo hayo sasa Chelsea Ladies imepangwa kucheza dhidi ya Wolfburg ya nchini Ujerumani katika mchezo wa nusu fainali ya klabu bingwa barani Ulaya.