Chelsea yaitamanisha Madrid kwa Asensio

Taarifa zilizopo zinadai mmiliki wa klabu ya Chelsea, Roman Abramovich aliokiwa akimtamani mchezaji nyota wa klabu ya Real Madrid ya nchini Hispania, Cristiano Ronaldo ambaye kwa sasa ana miaka 33 ili atue klabuni Chelsea kabla ya washauri wake kumkalisha chini na kumshauri kuachana na matamanio hayo kutokana na umri alionao nyota huyo kwamba hana muda mrefu kwenye soka la ushindani na hivyo matamanio yake kuhamia kwa nyota mwengine wa Real Madrid, Marco Asensio ambaye anaonekana kutokuwa na nafasi ya uhakika katika kikosi cha wababe hao wa nchini Hispania.

Na hivyo inaelezwa kuwa Chelsea inamtaka kiungo huyo mwenye miaka 22 kwa sasa ili atue klabuni Chelsea na inaelezwa kuwa Chelsea imeshaandaa mpango wake wa kumnasa nyota huyo raia wa Hispania huku dau la paundi milioni 132 likitajwa kutolewa na Chelsea.

Mchezaji huyo hapo mwanzoni ilikuwa inaeleweka kuwa atatumika na klabu yake kama kufanyika mabadilishano na nyota wa Chelsea, Eden Hazard ambaye amekuwa akifukuziwa na Madrid kwa muda mrefu sasa, lakini Roman Abramovich anatajwa kuwa tayari kutoa dau nono ili kumsajili nyota huyo bila hata kufanyika kwa mabadilishano.