Lewandowski, Morata bado hakijaeleweka

Klabu ya Bayern Munich ya nchini Ujerumani inatajwa kuwa na hofu ya kuondokewa na nyota wake raia wa Poland, Robert Lewandowski ambaye anatajwa kutakiwa na klabu ya Real Madrid. Kuondoka kwa nyota huyo kutamaanisha klabu hiyo inayoshiriki ligi kuu nchini Ujerumani itahitaji kuingia sokoni na kufanya usajili wa nyota atakayeziba pengo la mpoland huyo kwenye klabu hiyo.

Kuna taarifa zimezagaa kuwa mshambuliaji anayetazamiwa kusajiliwa na klabu hiyo kama itampoteza Lewandowski basi ni mchezaji ghali klabuni Chelsea, Alvaro Morata.

Morata anatajwa na klabu hiyo huku akiwa amedumu Chelsea kwa msimu mmoja tu huku akitua klabuni Chelsea kwa dau lililomfanya kuwa mchezaji ghali klabuni hapo akisajiliwa kwa dau la paundi milioni 60 huku akiifungia Chelsea magoli 13 mpaka sasa.