Msikie gwiji wa Chelsea alichokisema kuhusu Hazard na Courtois

Nyota wa Chelsea, Eden  Hazard amekuwa akitajwa kutakiwa na klabu ya nchini Hispania, Real Madrid, inayoshiriki ligi kuu nchini humo. Taarifa hizi ni kama zishazoeleka kwenye masikio ya wengi, kutokana na klabu hiyo kutajwa kumuwania nyota huyo ambaye kwa sasa ana maiaka 27.

Kuna wengine wameamua kukubaliana nazo taarifa hizi wakiridhia nyota huyo aondoke haswa mara baada ya kuripotiwa kuwa nyota huyo amekataa kusaini mkataba mpya klabuni Chelsea, lakini pia ikiripotiwa anatamani kucheza chini ya kocha wa Real Madrid, Zinedine Zidane ambaye alikuwa shujaa yake pindi akiwa anakua.

Lakini wengine wanalipinga hilo na kuzidi kuomba ili nyota huyo asiondoke klabuni hapo na ifanyike mipango ili ashawishiwe kusaini mkataba mpya klabuni hapo.

Lakini unajua ni kipi anakiwaza mchezaji wa zamani wa Chelsea, William Gallas ambaye kwa sasa ameshastaafu soka? unajua kasema nini juu ya tetesi hizi zinazoendelea kutanda kwenye magazeti na tovuti za michezo kila siku?

"Kiukweli kuna wachezaji wengi duniani ambao wanaweza kuziba nafasi za Hazard na Courtois hata kama wakiondoka. Kuna mawinga wazuri wanaoweza kuziba pengo la Hazard, lakini pia wapo walinda milango wengi wanaoweza kuziba nafasi ya Courtois, hiyo ni kazi ya maskauti kutafuta wachezaji"

"Muda mwengine inakubidi uwaruhusu wachezaji wako waondoke kwa kuwa wanataka kupata changamoto mpya kwenye ligi nyengine. Huenda kwa sababu washashinda mataji kama ligi kuu Uingereza, kombe la FA na la ligi"

"Sina uhakika kama washashinda klabu bingwa wakiwa Chelsea, na ndio maana wanataka kutoka ili wakashinde sehemu nyengine. Inatakiwa ujiulize ni klabu gani walikuwa wakishabikia wakiwa wadogo. Watoto wengi watasema wanashabikia Real Madrid na wengine watakwambia Barcelona, na huenda hizo ndizo timu walizokuwa wanataka kuja kuchezea kama wakikua, na sasa Chelsea inatakiwa imuulize Hazard, huenda alipokuwa mdogo alitaka aichezee Real Madrid"

"Ilo inatakiwa ulikubali, sio kukataa ukweli kisa amecheza Chelsea kwa miaka mingi. Muda wote amecheza Chelsea na kujitoa kwa kila hali" alisema mkongwe huyo, je unakubaliana nae?