Nyota wa Barcelona, ashawishi usajili wa Marcos Alonso

Nyota wa Chelsea, Marcos Alonso amekuwa na misimu mizuri klabuni hapo mpaka kumfanya kutajwa kama moja ya walinzi wa kushoto bora kwa sasa, akiwa na uwezo mkubwa katika safu zote za ushambuliaji na  ulinzi.

Kulikuwa na fununu zilizokuja kuaminika kuwa sio za kweli ambapo zilizuka mara baada ya michezo ya hatua ya 16 bora kati ya Barcelona dhidi ya Chelsea ambapo kuna fununu zilienea kuwa nyota wa Barcelona, Lionel Messi aliwaambia viongozi wa klabu yake kuwa anamtaka nyota huyo ili atue klabuni hapo, ingawa baadae ikajulikana hazikuwa taarifa za kweli.

Lakini sasa tena kuna habari zimesambaa kuwa mlinzi wa Barcelona, Gerrard Pique ambaye ni raia wa Hispania, uraia sawa na Marcos Alonso kuwa amesisitiza kuwa anatamani nyota huyo ajiunge na klabu ya Barcelona kutokana na ubora aliokuwa nao mpaka kufanikiwa kuchaguliwa kwenye kikosi cha timu ya taifa ya Hispania kwa mara ya kwanza.