Thibaut Courtois, kubaki au kutimka Chelsea?

Mlinda mlango nambari moja wa Chelsea, Thibaut Courtois ambaye ni raia wa Ubelgiji amekuwa akitajwa kutamkia klabu ya nchini Hispania, Real Madrid kwa muda mrefu huku sababu haswa inayotajwa kumfanya nyota huyo kutaka kujiunga na klabu hiyo ikiwa ni kutaka kujiunga na familia yake inayoishi nchini Hispania.

Mara baada ya tetesi hizo, nyota huyo ameibuka na kusema hatazamii kuondoka Chelsea hata kama hatosaini mkataba mpya ifikapo mwishoni mwa msimu huu ambapo atakuwa amebakiza mwaka mmoja katika mkataba huo wa kuendelea kuwa mchezaji wa Chelsea.

"Nina furaha ya kuendelea kuwa hapa, haijalishi hata kama sintosaini mkataba mpya lakini nitaendelea kuwa hapa kwa kuwa nitakuwa nimebakiza mwaka mmoja" alisema mlinda mlango huyo mwenye miaka 25 kwa sasa.

Nyota huyo ana familia ya mke mmoja na watoto wawili wanaoishi nchini Hispania kwenye jiji la Madrid ambapo alikuwa huko pindi Chelsea ilipomtoa kwa mkopo na klabu ya Atletico Madrid.