Chelsea yaingia sokoni kumsaka nyota wa Napoli

Klabu ya Chelsea inatajwa kuingia kwenye vita ya kugombania saini ya mlinzi wa Senegal, Kalidou Koulibaly anayeichezea klabu ya Napoli ya nchini Italia.

Koulibaly anatajwa na gazeti la nchini Italia kuziingiza klabu za nchini Uingereza kwenye vita wakiigombania saini yake ambapo klabu za Chelsea, Arsenal na Liverpool ndizo zinazotajwa kuwania saini ya nyota huyo mwenye miaka 26 kwa sasa huku akiwa na uwezo mkubwa kama mlinzi wa kati.

Chelsea imekuwa ikiifukuzia saini ya nyota huyu toka dirisha kubwa la usajili lililopita ambapo ilitoa dau ili kumsajili nyota huyo lakini mpango huo haukukamilika.

Klabu yake ya Napoli inatajwa kuhitaji dau la kuanzia paundi milioni 65 ili kumuuza mlinzi huyo.