Morata kutimka Chelsea, kurejea Juventus

Klabu ya Chelsea inaweza kumpoteza mchezaji ghali klabuni hapo, Alvaro Morata anayeweza kuachana na klabu hiyo mwishoni mwa msimu mara baada ya kuonekana kushindwa kuujenga ufalme wake klabuni hapo toka atue mwaka 2017 akitokea Real Madrid kwa dau la paundi milioni 60.

Gazeti moja la nchini Italia linaloaminika juu ya taarifa zake zinadai nyota huyo raia wa Hispania anaweza akajiunga na klabu ya Juventus inayomtazamia nyota huyo kuwa mbadala wa Mario Mandzukic anayetajwa kuachana na klabu hiyo mwishoni mwa msimu huu.

Mario Mandzukic ambaye ni mshambuliaji wa Juventus anatajwa kuachana na klabu hiyo ifikapo mwishoni mwa msimu huu ambapo kuondoka kwake kunaweza kumfanya Morata akarejea tena klabu hiyo ambayo aliwai kung'aa akiwa klabuni hapo miaka kadhaa iliyopita.