Chelsea yapata ushindi mnono, yatwaa ubingwa

Siku ya jana wakati Chelsea ilipofanikiwa kupata ushindi wake muhimu dhidi ya Southampton, vijana wao au wadogo zao yaani klabu ya vijana ya Chelsea ya chini ya miaka 18, Chelsea U18s jana na wao walipata ushindi mnono wakiwa ugenini, magoli 1-5 dhidi ya West Ham waliokuwa nyumbani.

Goli la mapema la Gilmour alilofunga kwa mkwaju wa penati mnamo dakika ya 7 liliifanya Chelsea U18s kuongoza kwa dakika zote ishirini mpaka pale Brown alipofunga goli la pili mnamo dakika ya 27 na kuifanya Chelsea kuwa mbele kwa magoli 0-2 kabla ya Brown tena kufunga goli la pili kwake lakini la tatu kwa Chelsea ambapo alilifunga dakika ya 39 dakika moja baadae, yaani dakika ya 40 nyota tena wa Chelsea U18, Anjorin akaifungia tena Chelsea goli la nne wakati goli la tano likifungwa na Gallagher ambaye alilifunga dakika ya 62. Na kufanikiwa kuifanya Chelsea ipate ushindi wa magoli 1-5 katika mchezo huo wa ligi kuu kanda ya kusini mwa Uingereza kwa vijana.

Ushindi huu unamaanisha Chelsea U18 kuwa mabingwa wa michuano hiyo ambapo ilihitaji kupata ushindi kwenye mchezo ili kuutwaa ubingwa huo kwa kanda ya kusini nchini Uingereza.