Giroud afichua siri ya mafanikio akiibeba Chelsea

Chelsea inafanikiwa kupata ushindi wake muhimu ikiwa ugenini kwa magoli 2-3 dhidi ya Southampton kwenye mchezo wa ligi kuu Uingereza na kufanikiwa kufikisha alama 60 zinazoifanya kufufua matumaini ya kurejea kwenye klabu nne za juu kwenye msimamo wa ligi kuu nchini humo.

Mara baada ya mchezo huo, nyota wa Chelsea, Olivier Giroud ambaye amefunga magoli mawili kwenye mchezo huo na kuchaguliwa kuwa nyota wa mchezo huo amefanyiwa mahojiano na kuulizwa baadhi ya maswali kuhusu mchezo huo.

"Jambo kubwa na muhimu ni kuonyesha ubora wangu. Nimepitia mambo mengi magumu kwenye maisha yangu ya soka, mara kadhaa nimekuwa nikijaribu kurudi kwenye ubora. Na leo nimefanikiwa kulitimiza hilo."

"Goli la pili...jambo muhimu na kubwa pale unaporuhusu kufungwa goli la kwanza na la pili ni kutokubali na kukubali kushindwa. Ninajivunia kwa lile tulilolifanya hii leo"

"Nilipoingia, nilimwambia Eden (Hazard) tunatakiwa kuendelea kupambana. Sikumwambia kama tutafunga, lakini nilichokiamini kama tungefanikiwa kufunga goli hata moja, basi lingeweza kutusaidia sana" alisema mshambuliaji huyo raia wa Ufaransa.