Tajiri kumfunga pingu Hazard

uKlabu ya Chelsea imekuwa ikitajwa mara kadhaa kujaribu kumshawishi nyota wake, Eden Hazard ili asaini mkataba mpya wa kuendelea kusalia klabuni hapo ingawa jitihada hizo zinatajwa kugonga mwamba na nyota huyo kutosaini mkataba mpya.

Lakini sasa mmiliki wa Chelsea ameamua kujipanga na kurudi tena kwenye ubora ambao wengi wameuzoea kutoka kwake, ubora wa kutumia pesa nyingi kwa mchezaji anayemtaka na inaelezwa kuwa mmiliki huyo yupo tayari kupambana kumbakisha winga huyo mwenye miaka 27 kwa sasa ambapo taarifa zinadai kuwa mmiliki huyo amemuandalia ofa ya paundi 300,000 kwa wiki kama mshahara wake endapo atasaini mkataba huo.

Eden Hazard kwa sasa anapokea paundi 200,000 kwa wiki hiyo ni nje ya marupurupu na kusaini kwake mkataba wa kuendelea kuichezea klabu hiyo basi atapanda pia kimshahara.