Chelsea yaanza kumkaribisha Sarri, yapeleka maombi ya kumsajili nyota anayemtaka

Klabu ya Chelsea inatajwa kumfukuzia kocha wa zamani wa Napoli, Maurizio Sarri ambaye anatajwa kufikia makubaliano juu ya mahitaji muhimu ya kocha huyo lakini inadaiwa kocha huyo muitaliano aliwataja wachezaji wanne kutoka Napoli anaotaka Chelsea iwasajili ili atakaposaini rasmi basi aweze kwenda sawa na klabu hiyo.

Wachezaji wanne waliotajwa na kocha huyo ni pamoja na Elseid Hysaj anayecheza kama mlinzi sawa na Raul Albiol pamoja na kiungo Piotr Zielinski wote wanatajwa kutakiwa na kocha huyo kama Chelsea ikimhitaji mzee huyo mwenye miaka 59.

Nyota mwengine wanne anayetajwa kutakiwa na kocha huyo ni pamoja na Kalidou Koulibaly ambaye amekua akitakiwa sana na Chelsea toka kwenye dirisha kubwa la mwaka jana lakini ikashindwa kumnasa. Koulibaly ambaye anacheza nafasi ya ulinzi akiwa ni raia wa Senegal anatajwa kwa muda mrefu kutakiwa na Chelsea iliyowai kuripotiwa kuwa tayari kutoa paundi milioni 60 ili kumnasa.

Na sasa Chelsea inatajwa kuwa tayari kuanza mazungumzo na kabu ya Napoli iliyomtangaza Carlo Ancelotti kama kocha wake mpya ili kumnasa mlinzi wa Senegal anayeichezea klabu hiyo ya Napoli.

Sarri anatajwa kumkubali mlinzi huyo na hivyo usajili wake wa kutua Chelsea anataka ukamilike ukiwa pamoja na nyota huyo msenegal.