Nyota wa Chelsea aanza kuchukia maisha ya Chelsea

Dau la paundi milioni 15 lilitumika kumleta klabuni Chelsea akitokea Everton, klabu hiyo iliyomkuza na kumfanya kuwa nyota mkubwa mpaka kufikia kuitwa kwenye kikosi cha timu ya taifa ya Uingereza. Dau hilo lilionekana kuzua makubwa mpaka moja ya viongozi wa jiji inayotokea klabu hiyo ya Everton kuliagiza jeshi la polisi la nchini humo kufanya uchunguzi juu ya dau hilo akihisi kuna udanganyifu umefanyika.

Mwisho wa siku jeshi hilo likathibitisha halijaona dalili ya udanganyifu kufanyika katika hilo.

Ross Barkley, nyota mwenye miaka 24 aliyesajiliwa kwenye dirisha dogo la usajili la mwezi Januari anatajwa kutokua na furaha klabuni Chelsea kutokana na kutopata nafasi kuichezea klabu hiyo na hivyo kuachwa kwenye kikosi cha timu ya taifa ya Uingereza.

Barkley ameanza kwenye michezo miwili kwenye ligi kuu toka atue Chelsea jambo ambalo halionekani kumfurahisha na hivyo anatajwa kutofurahishwa. Nyota huyo hajajumuishwa kwenye kikosi cha Uingereza kitakachoshiriki kombe la dunia litakaloanza baada ya siku 18 zijazo.

Barkley alitua Chelsea ambapo alitoka akiwa kwenye majeraha yaliyomfanya kuutumikia msimu karibu wote akiwa majeruhi kabla ya kukamilisha usajili wa kutua Chelsea.