Chelsea yafanya mawasiliano na Martial

Klabu ya Chelsea inatajwa kumfukuzia winga wa Manchester united, Anthony Martial ambaye ni raia wa Ufaransa.

Martial ambaye anatafuta klabu atakayoweza kupata nafasi ya kucheza zaidi. Martial mwenye miaka 22 alikataa kusaini mkataba mpya wa kuendelea kuichezea klabu hiyo iliyochini ya kocha Jose Mourinho.

Chelsea inatajwa kuvutiwa na nyota huyo na hivyo kumpa taarifa ya kinachoendelea juu ya nafasi ya kocha Antonio Conte ambaye anatajwa kukaribia kuondoka klabuni hapo licha ya kubakiza mkataba wa mwaka mmoja.

Gazeti moja la nchini Uingereza limeripoti kuwa klabu ya Chelsea imefanya mawasiliano na nyota huyo na imekua ikimpa taarifa juu ya nini kinaendelea juu ya kumsaka kocha atakayerithi nafasi ya kocha Antonio Conte.