Chelsea yafunguliwa milango kuinasa mashine ya Bayern Munich

Klabu ya Real Madrid ya nchini Hispania ilikuwa inatajwa kumfukuzia kwa karibu mshambuliaji wa klabu ya Bayern Munich, Robert Lewandowski ambaye ni raia wa Poland. Lakini sasa klabu hiyo inatajwa kujitoa kumfukuzia mshambuliaji huyo ambaye ndiye mfungaji bora kwa msimu huu kwenye ligi ya Bundesliga ya nchini Ujerumani.

Sababu kubwa inayotajwa kuwafanya Real Madrid kuachana ma mshambuliaji huyo ni kutokana na kushindwa kwake kung'aa pindi klabi hizo zilipomenyana kwenye michezo ya klabu bingwa barani Ulaya kwa msimu.

Hiyo ni habari nzuri kwa Chelsea ambayo nayo ilikuwa ikimfukuzia nyota huyo lakini nafasi kubwa ilikuwa kwa Madrid ambao ndio wamejitoa.

Chelsea inatajwa kumfukuzia nyota huyo ili arithi nafasi ya mshambuliaji, Alvaro Morata anayetajwa kuwa kwenye mipango ya kurejea klabuni Juventus ya nchini Italia ambako huko ndipo aling'aa zaidi kabla ya kutua Chelsea.