Kocha wa Chelsea apata kibarua kingine

Kocha wa kikosi cha vijana wenye umri chini ya miaka 18 kwenye akademi ya Chelsea, Jody Morris ataungana kama kocha msaidizi na gwiji wa Chelsea, Frank Lampard ambaye amechaguliwa kuwa kocha mkuu wa klabu ya Derby County.

Jody Morris ameungana na gwiji huyo wa Chelsea ambaye ametangazwa mchana wa leo kuwa kocha mpya wa klabu hiyo ya Derby County inayoshiriki ligi daraja la kwanza nchini Uingereza maarufu kama Championship.

Hii ni nafasi nzuri kwa Morris kuweza kutafuta ujuzi zaidi na kupata nafasi ya kuzifundisha klabu kubwa. Morris ameiongoza vyema timu ya vijana wa Chelsea maarufu kama Chelsea U18s katika kufikia mafanikio kwa msimu huu ikishinda mataji manne na kufika fainali ya michuano ya klabu bingwa barani Ulaya kwa vijana.

Hongera Jody Morris "Morriskid"