Je sababu hii itamfanya Hazard asaini mkataba mpya?

Klabu ya nchini Hispania, Real Madrid imekuwa ikimsaka kwa muda mrefu winga na nyota wa klabu ya Chelsea, Eden Hazard huku mara kadhaa ikiripotiwa Madrid wana nafasi kubwa ya kumnasa winga huyo raia wa Ubelgiji.

Lakini sasa mpango huo unaonekana kufikia kikomo haswa kutokana na kocha wa Real Madrid, Zinedine Zidane ambaye amekua akishawishi kusajiliwa kwa winga huyo aliyeiongoza Chelsea kushinda taji lake la pekee msimu huu, taji la kombe la FA.

Zidane ambaye ametangaza kuachana na Real Madrid amekuwa akiueleza uongozi wa klabu hiyo kuhitaji saini ya winga huyo na sasa kuondoka kwake kunaweza kukamfanya Hazard kughairi kuungana na klabu hiyo.

Hazard amekataa mara kadhaa kusaini mkataba mpya klabuni Chelsea huku sababu ikielezwa kutamani kutimkia Madrid, klabu iliyokua inafundishwa na Zidane ambaye Hazard alipokua akijikuza kwenye maisha ya soka alikuwa akimtazama Zidane kama moja ya wachezaji bora pindi alipokua akicheza soka.

Sababu hii inaweza kumfanya Hazard kusaini mkataba mpya wa kuendelea kuichezea Chelsea huku mkataba wake wa sasa ukiwa umebakiza miaka miwili.