Uingereza yapagawishwa na nyota wa Chelsea

Moja kati ya vipaji gumzo nchini Uingereza ni cha kinda wa Chelsea aliyefanya vizuri akiwa kwa mkopo kwenye klabu ya Vittese ya nchini Uholanzi, Mason Mount ambaye amekuwa gumzo tangu ajiunge na klabu hiyo katika dirisha kubwa la usajili.

Magoli 14 huku akitengeneza mengine 11 ya nyota huyo yamempagawisha kocha wa timu ya taifa ya Uingereza, Gareth Southgate mpaka kumfanya kocha huyo kumuita kinda huyo ili aungane na kikosi cha timu ya taifa ya Uingereza chenye wachezaji 23 ambacho kimechaguliwa ili kushiriki michuano ya kombe la dunia mwezi Juni huko Urusi.

Mason Mount ndiye kinda wa kwanza kuitwa na kocha huyo ingawa kuna uwezekano wakaitwa makinda wengine.

Chelsea inatajwa kuvutiwa sana na kiwango cha mchezaji huyo ambapo sasa inaelezwa imeandaa mkutano mfupi pamoja na mchezaji huyo ili kujadili juu ya hatma yake huku kukielezwa inataka nyota huyo aachane na Vittese ili atafute klabu nyengine yenye hadhi kubwa ili apate changamoto mpya.