Yabainika! Kumbe Conte na Willian ni paka na chui

Winga wa Chelsea, Willian Borges da Silva alipigiwa kura na wachezaji wenzake klabuni Chelsea kuwa ndiye mchezaji bora kwa msimu huu pale klabuni Chelsea na akakabidhiwa tunzo yake ya mchezaji bora kwa wachezaji klabuni Chelsea lakini pia goli lake alilolifunga dhidi ya Brighton likichaguliwa kuwa goli bora la msimu klabuni Chelsea huku likiingia kwenye orodha ya magoli yanayopambania tunzo ya goli bora la msimu kwenye ligi kuu Uingereza ambapo kama unataka kulipigia kura, bonyeza hapa.

Lakini kumbe imebainika pia kuwa uhusiano wa mbrazili huyo pamoja na kocha wa Chelsea, Antonio Conte kuwa sio mzuri ambapo alifanyiwa mahojiano ya chombo cha habari cha ESPN.

Nyota huyo aliulizwa swali kwenye mahojiano hayo ambapo aliishia kucheka na kusema swali hilo atalijibu siku nyengine hali iliyotafsiriwa kuwa hana mahusiano mazuri na kocha huyo raia wa Italia.

Nyota huyo aliwai kumshauri kocha Antonio Conte kumtumia sambamba na nyota mwenzake Eden Hazard lakini kocha huyo amekua akitumia mfumo wa 3-5-2 unaomfanya Willian kutumika kama mchezaji wa akiba wakati Eden Hazard akiwa sambamba na Olivier Giroud au Alvaro Morata kwenye safu ya ushambuliaji.

Nyota huyo ambaye ameanza kwenye mchezo mmoja kati ya michezo mitano ya ligi kuu alifanyiwa mabadiliko kwenye mchezo wa nusu fainali ya kombe la FA lakini hakukaa kwenye benchi la wachezaji wa akiba na badala yake akaondoka kabisa na kwenda kwenye sehemu ya vyumba vya kubadili nguo jambo ambalo lilitafsiriwa kwamba alikasirika kwa kutolewa kwake.