Bakayoko aeleza sababu iliyomfanya afanye vibaya klabuni Chelsea

Dau la paundi milioni 40 lilimleta klabuni Chelsew akitokea As Monaco ya nchini Uingereza na mpaka sasa anatajwa kuwa mmoja wa wachezaji waliokuwa na msimu mbaya huku mashabiki wengi wakilinganisha uwezo wake na kiungo wa zamani wa Chelsea, Nemanja Matic ambaye aliondoka Chelsea siku kadhaa baada ya kiungo huyo raia wa Ufaransa kutua Chelsea.

Tiemoue Bakayoko amefunguka na kueleza sababu iliyomfanya kuwa na msimu mbaya na mgumu tangu atue kwenye ligi kuu Uingereza.

"Kasi na aina ya uchezaji wa Uingereza ni tofauti kabisa na Ufaransa. Kucheza Uingereza ni pagumu. Ukiwa Ufaransa unaweza kuhusisha vyema safu ya ulinzi pamoja na ushambuliaji ambapo ukipokea mpira kutoka nyyma unaweza kujiandaa na kuanzisha shambulizi kwa urahisi, hiyo ni tofauti na hapa (Uingereza). Ligi ya hapa ni ngumu, ni ngumu kuonganisha safu ya ulinzi na ushambuliaji kutokana na ugumu wa timu za hapa"

"Ufaransa unaweza ukapoteza mchezo mmoja na usiwe na madhara makubwa kama ilivyohapa" alisema nyota huyo.

Nyota huyo amekua akitumika sambamba kwenye safu ya kiungo ingawa uimara wake umekua ukionekana zaidi akicheza kwenye mfumo wa 3-5-2 kuliko akitumika kwenye mfumo wa 3-4-3