Chelsea kumtangaza kocha mpya hivi punde

Klabu ya Chelsea inatajwa kukaribia kumtangaza kocha wake mpya atakayerithi majukumu hayo ya ukocha kutoka kwa kocha wa sasa klabuni hapo, Antonio Conte ambaye anatajwa kukaribia kutimkia klabuni hapo muda mfupi ujao.

Chelsea inatajwa kukaribia kukamilisha mpango wake wa kumsajili kocha wa zamani wa klabu ya Barcelona, Luis Enrique.

Enrique alihusishwa kwa karibu kufukuziwa na Chelsea hata kabla ya msimu kumalizika lakini baadae ikaonekana Maurizio Sarri wa Napoli akipewa nafasi zaidi ya kutua Chelsea kabla ya Laurent Blanc aliyewai kuzifundisha PSG na timu ya taifa ya Ufaransa akitajwa kwa karibu kutua Chelsea akitokea kwenye mapumziko aliyonayo kwa sasa.

Chelsea inatajwa kufikia hatua za mwisho ili kumsajili Enrique ambaye kwa sasa hana klabu anayoifundisha.