Chelsea yaondoka na tunzo kibao

Usiku wa jana ulikuwa ni usiku mwengine wa furaha kwa mashabiki wa Chelsea mara baada ya kutolewa tunzo rasmi kwa soka la wanawake huku klabu ya soka ya wanawake ya Chelsea maarufu kama Chelsea FC Women kushinda tunzo mbili kwenye tunzo hizo za Women's Football Awards.

Tunzo ya klabu bora ambayo ilienda kwa Chelsea FC Women pamoja na tunzo ya kocha bora wa mwaka ambayo alishinda kocha wa Chelsea, Emma Hayes zilitosha kuifanya Chelsea iibuke kidedea kwenye tunzo hizo.

Chelsea FC Women ambayo mwanzoni ilikuwa inatambulika kama Chelsea Ladies imefanikiwa kushinda mataji mawili kwa msimu huu ambapo imeshinda taji la ligi kuu Uingereza (FA WSL) pamoja na kombe la FA (SSE).