Hii ndiyo sababu inayomfanya Blanc akaribie kutua Chelsea

Chombo cha habari cha Sky Sports UK kimetoa ripoti kikidai klabu ya Chelsea inakaribia kukamilisha usajili wa kocha wa zamani wa klabu ya PSG na timu ya taifa ya Ufaransa, Laurent Blanc huku kocha kama Maurizio Sarri ambaye amehusishwa kwa muda mrefu kutua Chelsea akitajwa kuachwa.

Je unajua sababu ya kocha Blanc kupewa nafasi kubwa ya kutua Chelsea na sio Maurizio Sarri ambaye klabu yake ya Napoli imeshamsajili Carlo Ancelotti ili kuwa kocha wa klabu hiyo?

Sababu ni kwamba, Maurizio Sarri ana fungu maalumu ambalo inabidi ulilipe kwa klabu ya Napoli ili uweze kumnunua. Fungu la euro milioni 8 ndilo fungu linalotajwa na klabu ya Napoli kama thamani ya kocha huyo huku akiwa bado ana mkataba na klabu hiyo unaoisha 2020, Chelsea imeghairi kumsajili haswa mara baada ya klabu yake ya Napoli kukataa kumuachia kwa dau tofauti na pesa hizo ambazo Chelsea haipo tayari kulitoa.

Lakini pia kumbuka kama Chelsea itaachana na kocha wake wa sasa, Antonio Conte basi italazimika Chelsea imlipe kocha huyo dau la paundi milioni 9.7 kama dau la kuvunja mkataba wake wa kuwa kocha wa Chelsea ambapo mkataba wake unaisha mwaka 2019.

Kwa maana hiyo kama Chelsea itaamua kumtimua Conte na huku itoe pesa ili kumsajili Sarri itakuwa ni gharama kubwa ambalo linaweza kufikia zaidi ya paundi milioni 15.

Chelsea inatajwa kuvutiwa na mpango wa kumsajili Laurent Blanc ambaye kwa sasa hana klabu anayoifundisha kwa kuwa itamsajili bure bila kutoa fungu lolote kama ambavyo italazimika kufanya kama ikimtaka Maurizio Sarri.