Familia yafichua siri ya kushuka kiwango cha Kepa Arrizabalaga

Familia ya mlinda mlango nambari moja wa Chelsea, Kepa Arrizabalaga wameweka wazi sababu ya kushuka kiwango cha mlinda mlango huyo ambaye kwa mara ya kwanza  alikosekana kwenye mchezo wa ligi kuu kwa msimu huu jumamosi iliyopita pindi Chelsea ilipotoka sare ya 2-2 na Leicester city.

Familia na marafiki wa nyota huyo wameeleza kipa huyo alipoachana na mpenzi wake wa zamani, Andrea Perez ambaye walianza mahusiano toka utotoni ndiyo sababu ya kipa huyo kushuka kiwango na kutishia nafasi yake kikosini Chelsea na kwenye kikosi cha taifa cha Hispania kitakachocheza michuano ya Euro miezi kadhaa ijayo.

Kupitia gazeti la nchini Hispania, Mundo Deportivo, inaelezwa mlinda mlango huyo amekuwa hayupo kwenye kiwango kizuri kutokana na upweke huo na ushahidi mmojawapo ni kutokana na picha alizokuwa anazituma kwenye mtandao wa Instagram.

Kuna picha aliyoituma akiwa mapumzikoni ufukweni mwaka 2018 akiwa mapumzikoni na mpenzi wake huyo uku wakionekana wakiwa na furaha.

Lakini pia mwezi juni mwaka 2019 nyota huyo alituma picha akiwa mapumzikoni akiwa ufukweni mwenyewe akiwa mwenyewe mpweke.