HABARI NJEMA KWA CHELSEA

Kwanza nichukue fursa hii kuwatakia heri ya 'Christmass' kwa mashabiki wa Chelsea kote duniani na hata kwa wapenda soka hata wale wasiokuwa mashabiki wa Chelsea maana soka sio vita.

Turudi kwenye habari kwa mashabiki wa Chelsea huenda hii ikawa ni sauti ya furaha kwao mara baada ya kuwepo taarifa za Chelsea kumpata mbadala wa  aliyekuwa kiongozi wa ufundi klabuni Chelsea, Michael Emenalo ambaye aliomba kujiuzulu ambapo kwa sasa anaitumikia klabu ya AS Monaco ya nchini Ufaransa.

Emenalo amekuwa mmoja wa watu wanaopigiwa kelele Chelsea kabla ya kujiuzulu kwake akishutumiwa kwa kufanya sajili mbovu klabuni hapo ambapo ye ndiye amekuwa akihusika na kufanya usajili mara kwa mara akishirikiana na Marina Granovskaia.

Lakini sasa kuna taarifa zimezagaa zikisema Chelsea imemteua aliyekuwa kiongozi wa kusaka wachezaji (international scout) wa Chelsea, Scott McLachlan ambaye ameteuliwa kuziba pengo hilo kwa muda huku akiendelea kutafutwa yule wa kukaimu na kuishika vizuri nafasi hiyo.

Na jambo zuri kwa McLachlan ni kuwa alikuwa anahusika na kuvumbua vipaji na kuvileta Chelsea, sasa kuchaguliwa kwenye nafasi hiyo huenda akavileta vipaji vingi klabuni bila kikwazo akiendelea kushirikiana na Marina Granovskaia.