BATSHUAYI KUTIMKA KLABUNI CHELSEA?

Nyota wa Chelsea ambaye ni raia wa Ubelgiji, Michy Batshuayi amekuwa akitajwa kuondoka klabuni Chelsea na huku akihusishwa kutakiwa klabu kadhaa barani Ulaya hukum Borrusia Dortmund ya nchini Ujerumani ikitajwa kwa karibu kumnyakua nyota huyo.

Lakini leo kulitoka taarifa kuwa mhuenda nyota huyo akatumika katika mabadilishano na mshambuliaji wa klabu ya Tottenham, Fernando Llorente. Nyota huyo inadaiwa amekataa kuungana na klabu hiyo ya jiji la London huku sababu kubwa ikitajwa anahitaji kupata nafasi ya kucheza zaidi ili aweze kuchaguliwa kwenye kikosi cha timu ya taifa ya Ubelgiji itakayosafiri kwenda nchini Urusi katika michuano ya kombe la dunia.

Nyota huyo leo amefanya mazoezi na timu ya Chelsea kujiandaa kwa ajili ya mchezo wa kesho kati ya Chelsea ikicheza dhidi ya Afc Bournemouth kwenye uwanja wa Stamford Bridge na kocha Antonio Conte akisema huenda akatumika kama mshambuliaji mara baada ya Alvaro Morata kukosekana tena kutokana na majeruhi.