MWENGINE KUTOKA CHELSEA ATOLEWA KWA MKOPO

Chelsea mpaka sasa imeshawatoa wachezaji watano kwa mkopo katika dirisha hili la usajili ambao ni Ike Ugbo, Izzy Brown, Kennedy Robert ambaye amejiunga na Newcastle, Baba Rahman ambaye amejiunga na Schalke 04 ya nchini Ujeumani pamoja na Charly Musonda jr aliyejiunga na Celtic.

Sasa tena na leo kumetoka taarifa kuwa nyota mwengine wa Chelsea ambaye hajawai kuichezea Chelsea toka asajiliwe msimu wa 2015/2016 kwa dau la paundi milioni 4.5 akitokea klabuni Atletico Paranaense, Nathan de Souza ambaye ametumia muda mwingi kwa mkopo klabuni Vitesse anatajwa kutolewa tena kwa mkopo lakini safari hii atasafiri mpaka klabu ya Amiens ya nchini Ufaransa. Nathan anaweza kucheza nafasi kama mshambuliaji msaidizi au winga na kwa sasa ana miaka 21.

Nathan ametumia muda mwingi kuichezea klabu ya Vitesse ambayo inapatikana nchini Uholanzi na kuisaidia klabu hiyo kushinda taji moja huku akiichezea michezo 51 na kuifungia magoli saba.

Heri njema kwako Nathan