BATSHUAYI NJIANI KUTIMKIA DORTMUND

Nyota wa Chelsea, Michy Batshayi anajiandaa kuungana kwa mkopo na klabu ya Borrusia Dortmund ya nchini Ujerumani inayoshiriki ligi kuu nchini humo maarufu kama Bundesliga. Michy Batshuayi ambaye ana miaka 24 ameshaichezea Chelsea michezo 25 na huku akiifungia magoli 10 kwa msimu huu klabuni Chelsea na amekuwa akitumika kama mshambuliaji mbadala wa Alvaro Morata pale anapokosekana.

Batshuayi anahusika kama mzizi katika usajili huu kwa klabu kadhaa ambapo yeye kuungana kwake na klabu hiyo ya Borrusia Dortmund basi klabu hiyo nayo itamruhusu mshambuliaji wake Pierre Aubameyang aungane na klabu ya Arsenyani (Arsenal) ambapo pia klabu hiyo ya Arsenyani inakaribia kumruhusu mshambuliaji wake Olivier Giroud aungane na Chelsea ili kuziba nafasi ya Batshuayi klabuni hapo.

Michy Batshuayi natajwa kuungana na wababe hao wa Ujerumani kwa mkopo huku Chelsea nayo ikitajwa kumfukuzia kwa karibu Olivier Giroud ambaye anatua Chelsea kwa usajili kamili huku dau linalotajwa kwa nyota huyo kutua Chelsea ni paundi milioni 17.