CHELSEA YAKARIBIA KUMVUTA NYOTA MWENGINE

Mara baada ya kukamilisha usajili wa nyota raia wa Uingereza, Ross Barkley, Chelsea sasa yakaribia kumvuta nyota kutoka klabuni AS Roma, Emerson Palmeira anayecheza nafasi ya mlinzi wa kushoto. Kutua kwa nyota huyo klabuni Chelsea kutamaanisha Chelsea itakuwa imempata mlinzi wa kusaidiana na Marcos Alonnso ambaye amekuwa akicheza bila kuwa na mbadala maalumu huku Kennedy akionekana bado hajaweza kupambana katika mikiki ya michuano ambayo Chelsea inashiriki.

Emerson anatajwa kutua Chelsea muda wowote kuanzia sasa huku dau likitajwa kufikia paundi milioni 20 huku nyota huyo akiwa na miaka 23, wakala wa nyota huyo Fernando Garcia alipohojiwa juu ya usajili wa nyota huyo kutua Stamford Bridge alisema "Tupo kwenye mazungumzo ili Emerson ajiunge Chelsea"

Na alipoulizwa juu ya uwezekano wa usajili huo kukamilika katika dirisha hili la usajili alisema "Ndiyo nna uhakika katika hilo maana klabu za As Roma na Chelsea zinafanya mawasiliano"