CONTE AMKOSA MSHAMBULIAJI MWENGINE

Chelsea ipo msokoni ikiwa ipo tayari kutumia jitihada zake zote kumnasa mchezaji wa aina ya ushambuliaji, inaonekana tatizo kubwa kwa sasa ndani ya Chelsea ni katika safu ya ushambuliaji mkwa maana hiyo imeamua kumsaka mshambuliaji wa aina yoyote ili aje kutengeneza na kuzalisha magoli mengi klabuni hapo ili ijiweke katika nafasi nzuri ya kushinda kila aina ya taji msimu huu.

Kuonyesha kuwa na nia hiyo ndio maana imehusishwa hata na wachezaji ambao wana umri zaidi ya miaka 30 ambapo kabla ilikuwa ni ngumu kwa Chelsea kumsajili mchezaji wa zaidi ya miaka 30 na hata kama ikimsajili basi itampa mkataba wa mwaka mmoja, na kati ya washambuliaji wanaotajwa kutakiwa na Chelsea ni pamoja na mshambuliaji kutoka klabu ya Leicester, Islam Slimani ambaye anatajwa kwa karibu kutakiwa Chelsea akiwa ni mmoja ya washambuliaji wanaotakiwa katika dirisha hili dogo la usajili linalotajwa kufungwa kesho.

Lakini kuna kikwazo kimetokea kwenye nia ya kumsajili nyota huyo mwenye miaka 29 ambapo kocha wa klabu yake, Claude Puel anatajwa kutokuwa na nia ya kumuachia mshambuliaji huyo raia wa Algeria kutokana na klabu yake kuwaruhusu washambuliaji wake Ahmed Mussa ambaye amejiunga na CSKA Moscow pamoja na Ulloa ambaye amejiunga na Brighton, wote kwa mkopo.

Claude Puel amegoma kumuuza nyota huyo raia wa kiarabau huku akitaka kumtumia kama mshambuliaji mbadala pale washambuliaji wake, Jamie Vardy na shinji Okazaki watakapopata dharura iwe ya kuumia ama kupata adhabu.