EMERSON ABAKIZA KITU KIMOJA KUWA MCHEZAJI WA CHELSEA

Chelsea imekamilisha usajili wa mlinzi raia wa Italia mwenye asili ya Brazil, emerson Palmieri mwenye miaka 23 ambaye amesajiliwa akitokea klabu ya As Roma ya ligi kuu nchini Italia. Nyota huyo alikuwa ashakubaliana na Chelsea juu ya mahitaji yake binafsi klabuni hapo na kilichobaki ni kutangazwa rasmi tu kuwa ni mchezaji wa Chelsea ambapo kama akitangazwa rasmi atakuwa nyota wa pili kuungana na Chelsea katika dirisha hili la usajili la wezi januari mara baada ya Ross Barkley kusajiliwa akitokea klabuni Everton.

Palmieri ameungana na Chelsea huku dau lake likitajwa kufikia paundi milioni 25 huku akitajwa kukubaliana na Chelsea kwa mkataba wa miaka minne. Nyota huyo anayecheza kama mlinzi wa kushoto anatajwa kama mbadala sahihi wa Marcos Alonso kama mchezaji huyo ikitokea kuumia au kupumzishwa.

Kukamilisha usajili wake rasmi kunatajwa kufanyika leo ambapo atatua jijini London na kukamilisha vipimo vya afya kisha kuwa mchezaji rasmi wa Chelsea.