DAVID LUIZ KUTUMIKA KAMA MABADILISHANO

Kesho ndio siku ya mwisho ya usajili wa dirisha hili dogo kwa mwezi januari ambapo kumekuwa na wachezaji wengi wakiingia na kutoka kwenye klabu kadhaa barani Ulaya, lakini kwa upande wa Chelsea mpaka sasa imekamilisha usajili wa mchezaji mmoja tu ambaye atatumika kwenye kikosi cha wakubwa ambaye ni Ross Barkley huku Thierno Ballo ambaye yeye ameungana na akademi ya vijana.

Sasa kuna taarifa zinasema kuwa Chelsea ina mpango wa kumtumia nyota wake ambaye anacheza kwa nafasi ya ulinzi, David Luiz ili kubadilishana na nyota wa klabu ya Arsenyani (Arsenal), Olivier Giroud ambaye anacheza kwa nafasi ya ushambuliaji, nafasi ambayo imeonekana kuwaumiza kichwa sana Chelsea wakiangaika kumtafuta mtu mbadala na atakayeweza kuipatia magoli mengi Chelsea kwa nafasi hiyo.

Chelsea imekuwa ikitajwa kuhusishhwa na mchezaji huyo raia wa Ufaransa na mara kadhaa ikisemekana kuwa ipo tayari kutoa pesa pamoja na kumtoa mchezaji mmoja ambaye amekuwa akitajwa Michy Batshuayi ndiye atahusika kama mabadilishano lakini kwa sasa inaonekana kama David Luiz ndiye atatumika kwenye mabadilishano hayo.