HAZARD APELEKWA REAL MADRID NA ABRAMOVICH

Kumekuwa na taarifa za nyota wa klabu ya Real Madrid, Cristiano Ronaldo akihusishwa kutaka kutua Chelsea ili kumalizia maisha yake ya soka ambapo kwa sasa ana miaka 31 na amekuwa na msimu mgumu klabuni hapo.

Lakini hapohapo kuna taarifa zilidai kuwa Real Madrid inataka kumtumia nyota huyo kama mabadilishano ili wamchukue nyota wa Chelsea, Eden Hazard ambapo mpango huo ulionekana kumvutia mmiliki wa Chelsea, Roman Abramovich akitajwa alikuwa anatamani Ronaldo raia wa Ureno atue klabuni Chelsea.

Lakini kuna taarifa zimesambaa kuwa mmiliki wa Chelsea, Roman Abramovich anakaribia kumruhusu Hazard ajiunge na Real Madrid lakini washauri wake tajiri huyo wamemshauri kuwa aachane na Ronaldo ambaye kwa umri wake ana muda mfupi sana wa kucheza soka la ushindani na badala yake amtake Marco Asensio kutoka klabuni Real Madrid kama mabadilishano na Hazard.

Kwa kuwa Asensio ana miaka 22 itakuwa bora kumchukua kuliko kumchukua Ronaldo kama mabadilishano na Eden Hazard mwenye miaka 27 kwa sasa.

Eden Hazard amekataa mara kadhaa kusaini mkataba mpya klabuni Chelsea na amekuwa akihusishwa kutimkia klabuni Real Madrid ambapo hata baba yake mzee Thierry Hazard aliwai kukiri hilo akisema Hazard amekataa kusaini mkataba mpya ili kusubilia ofa kutoka Real Madrid.