KUELEKEA CHELSEA vs BOURNE, CHELSEA KUWAKOSA WATATU

Kesho Chelsea itashuka uwanjani Stamford Bridge kuikaribisha klabu ya Afc Bournemouth katika mchezo wa ligi kuu kwa raundi ya 25 ambapo kama itashinda mchezo huo itapanda kutoka nafasi ya tatu mpaka nafasi ya pili lakini tu kama ikishinda magoli manne au matano.

Kuelekea katika mchezo huo, kocha Antonio Conte amefanya mkutano na waandishi wa habari kuulizwa mambo mbalimbali yanayoendelea klabuni kwake, lakini pia akiulizwa juu ya usajili ambao Chelsea imepanga kuufanya kabla ya kufungwa kwa dirisha la usajili hapo kesho ambapo itakuwa siku ya tarehe 31-Januari.

Kati ya mambo aliyohojiwa, hapa nakuletea baadhi;
Alipoulizwa juu ya wachezaji watakaoukosa mchezo huo, kocha Antonio Conte alijibu "Morata, Luiz na Willian ndio watakaoukosa. Ila kwa wachezaji wengine wapo. Thibaut Courtois na Cesc Fabregas wao watakuwepo pia"

Alipoulizwa juu ya hatima ya Michy Batshuayi ambaye anahusishwa kujiunga na Borrusia Dortmund, kocha Antonio Conte alijibu "Sijui, kwa sasa ni mchezaji wa Chelsea. Kwa maana hiyo hata kesho atakuwepo kwa maana Morata ni majeruhi, kwa maana sina chaguo jengine lakini pia kwa vile Willian hayupo"

Alipoulizwa juu ya tetesi za David Luiz kutumika kama mabadilishano na Olivier Giroud, kocha Antonio Conte alijibu "Alipata majeruhi siku mbili kabla ya mchezo uliopita dhidi ya Newcastle, katika kifundo chake cha mguu, anajaribu kuwa sawa ila anahitaji muda zaidi wa kuwa sawa.