RASMI; MUSONDA AJIUNGA NA CELTIC

Nyota wa klabu ya Chelsea, Charly Musonda amekamilisha rasmi uhamisho wake wa kujiunga na mabingwa watetezi wa taji la ligi kuu nchini Scotland maarufu kama Premiership, Celtic ambapo amejiunga nao kwa mkopo wa miezi 18.

Nyota huyo mwenye miaka 21 amekamilisha uhamisho huo hapo jana na atakuwa hapo kwa takribani mwaka mmoja na nusu ambapo kurejea kwake Chelsea kama atamaliza mkopo wake itakuwa mwisho wa msimu wa 2018-2019.

Nyota huyo anatolewa kwa mkopo mara baada ya nyota wengine wanne kutolewa kwa mkopo katika dirisha hili la usajili ambao ni Ike Ugbo, Izzy Brown, Kennedy na Baba Rahman huku Musonda Jr akiwa ni mchezaji watano.