ALVARO MORATA AJUTIA MAAMUZI YAKE KLABUNI CHELSEA

Nyota wa Chelsea, Alvaro Morata alisajiliwa akitokea klabu ya Real Madrid ya nchini Hispania, na sasa tangu amefika kwenye klabu hii ya Uingereza kwa dau nono la paundi milioni 60 na kuwa mchezai ghali klabuni hapo ameshaifungia Chelsea magoli 10 na kutengeneza mengine matano.

Lakini nyota huyo anajutia kwa uamuzi alioufanya tangu ametua Chelsea, alipofanyiwa mahojiano mara baada ya kucheza mchezo wake wa kwanza tangu awe majeruhi kwa muda mrefu na kumfanya kukosa michezo kadhaa ukiwemo mchezo wa marudiano wa kombe la Carabao ambapo Chelsea ilicheza dhidi ya Arsenyani (Arsenal).

"Chelsea ni mahali sahihi kwang. Na najivunia kuwa hapa, ila nilifanya makosa tangu nilipofika hapa, nilitaka kucheza nikiwa bado nna majeruhi, nilianza na mwanzo mzuri ingawa nikawa nadhoofika kila nilipokuwa nacheza zaidi, na ndio moja ya sababu iliyonifanya kukosa magoli mepesi"

"Lakini sasa najiona nipo tayari, kuanzia kimchezo mpaka hali yangu mwenyewe maana nimepata muda wa kupumzika na kuwa sawa" alisema nyota huyo raia wa Hispania.

Alvaro Morata alirudi kwenye mchezo uliopita ambapo Chelsea ilimenyana dhidi ya West Bromwich, na nyota huyo akaingia kama mchezaji wa mabadiliko, akichukua nafasi ya mshambuliaji mpya, Olivier Giroud.