CAHILL AHUZUNISHWA NA NYOTA ALIYESTAAFU KISA YEYE

Kuelekea mchezo wa ijumaa kati ya Chelsea dhidi ya Hull City wa kombe la FA, jana nilikuletea taarifa juu ya kusstaafu kwa mchezaji kiungo wa klabu ya Hull city, Ryan Masson ambapo chanzo cha kustaafu kwake akiwa na umri mdogo wa miaka 26 ni kutokana na ajali aliyoipta katika mchezo wa msimu uliopita uliochezwa mwezi januari mwaka 2017 ambapo aligongana kwa kichwa na mlinzi wa Chelsea Gary Cahill na kumfanya kukimbizwa hospitali ambapo huko alifanyiwa upasuaji na kuendelea kukaa nje kwa muda mrefu mpaka aliposhauriwa kutokuendelea na soka. Kuisoma habari kamili na kuangalia video ya tukio lilivyokuwa, bonyeza hapa.

Gary Cahill ambaye ni nahodha wa Chelsea ameoneshwa kuhuzunishwa na tukio hilo la kiungo huyo ambaye alishawai pia kuichezea klabu ya Tottenham inayoshiriki ligi kuu.

Kupitia mtandao wa Twitter, Gary Cahill alituma ujumbe uliosema "Nimeshangazwa kupata habari kuhusu Ryan. Kuwania mpira wa kona ni jambo linalotokea zaidi ya mara elfu, lakini kusikia tukio kama la Ryan ni jambo linaloumiza na kuhuzunisha, natuma salamu zangu za upendo kwake  na hata kwa familia yake na nawatakia mema katika maisha yao"

Nasi kama familia ya mashabiki na wanaoipenda klabu hiyo bora barani Ulaya, tunasema pole kwake na tunamtakia maisha marefu na yenye mafanikio.