CHELSEA KUPATA UPINZANI KWA NYOTA WA LAZIO

Chelsea imekuwa ikitajwa kuifukuzia saini ya mlinzi kutokea klabu ya Lazio ya nchini Italia inayoshiriki ligi kuu nchini humo ambaye anatajwa kuwa mmoja wa walizi wenye vipaji vya hali ya juu akiwa na uwezo wa kucheza kwa nafasi ya ulinzi wa kati, Stefan de Vrij ambaye ni raia wa Uholanzi hukua akionekana kuwa hazina ya muda mrefu kutokana na kuwa na miaka 26 kwa sasa.

Lakini Chelsea itakutana na vita kubwa kutoka kwa klabu ya jiji la Manchester, klabu ya Manyumbu (Man utd) ambao na wao wanatajwa kumfukuzia mlinzi huyo ambaye mpaka sasa ameshaichezea Lazio michezo 27 huku akifunga magoli matatu.

De Vrij amekuwa akitajwa kufukuziwa na Chelsea ambayo ina mpango wa kusaka walinzi na nyota wene umri mdogo ili kuweza kuchukua nafasi za wakongwe klabuni Chelsea ambao webgi wao umri unaonekana kuelekea kuwatupa mkono. Gary Cahill, David Luiz, Cesc Fabregas, Pedro, Willian na nyota wengine tayari wana miaka ama thelathini au zaidi ya hapo na Chelsea inajiandaa kusaka makinda ili kujiweka sawa.