HAZARD AELEZA SABABU YA CHELSEA KUFANYA VIBAYA

Chelsea imekuwa na mfululizo wa matokeo mabaya kwa hivi karibuni ikishnda michezo miwili kati ya michezo 10 huku ikitoka kupoteza michezo miwili mfululizo katika michezo ya ligi kuu dhidi ya Bournemouth na Watford, nyota wa Chelsea, Eden Hazard ameeleza sababu inayofanya kuwe na mfululizo huo wa matokeo mabaya.

Eden Hazard alihojiwa na chombo cha habari cha ESPN na kuuliza swali hilo akisema "Nafikiri ligi kuu ni michuano migumu, lakini pia msimu huu ni tofauti na msimu uliopita. Msimu huu tunacheza klabu bingwa, ni msimu mgumu. Msimu huu tuna muda mfupi wa kupumzika na kujiandaa na mchezo unaofata, kla wiki tunacheza michezo mpaka mitatu"

"Lakini ndio maana soka ni mchezo unaopendwa, maana hakuna timu inayoshinda kila mchezo. Kungekuwa na timu kama hiyo, basi mchezo huu ungekuwa hauvutii na usingependwa. Haswa katika ligi ya Uingereza, hujui nini kitatokea" alisema nyota huyo aliyechaguliwa kuwa mchezaji bora wa ligi za nje nchini kwao Ubelgiji ambaye mpaka sasa kwa msimu huu ameshaichezea Chelsea michezo 34 na kuifungia magoli 13 huku akitengeneza magoli 4.