MADRID WAANDAA DAU NONO KWA CHELSEA

Klabu ya Real Madrid ya nchini Hispania inayoshiriki ligi kuu nchini humo maarufu kama La Liga inatajwa kuandaa dau nono ili kuwavuta nyota wa Chelsea, Eden Hazard na mlinda mlango Thibaut Courtois ambao wote ni raia wa Ubelgiji.

Madrid inatajwa kuwa tayari kutoa kiasi cha paundi milioni 200 ili kumnasa Eden Hazard mwenye miaka 27 kwa sasa au kuna uwezekano wa dau hilo kupungua ili kumtoa na mchezaji mmoja pamoja na ela ili wamnase winga huyo aliyechaguliwa kuwa mchezaji bora wa Ubelgiji kwa ligi za nje siku chache zilizopita.

Lakini pia wanatajwa kuwa tayari kulipa paundi milioni 100 ili kumsajili Thibaut Courtois ambaye kwa sasa ana miaka 25 huku akitajwa kuwa moja ya makipa mahiri nchini Uingereza huku mpango wao wa kutaka kumsajili David de Gea kutoka Manyumbu (Man utd) kuonekana kwenda kombo kutokana na nyota huyo kusaini mkataba mpya klabuni hapo.

Kama sajili hizo zitakamilika zitawafanya wabelgiji hao kuwa wachezaji ghali zaidi kwa nafasi zao, ambapo Eden Hazard akisajiliwa kwa dau la paundi milioni 200 atakuwa mchezaji ghali duniani akivunja rekodi inayoshikiriwa na mshambuliaji wa klabu ya PSG ambaye ni raia wa Brazil, Neymar Jr ambaye usajili wake uligharimu paundi milioni 198. Wakati kwa Thibaut Courtois, dau hilo la paundi milioni 100 litamfanya kuwa mlinda mlango ghali zaidi duniani akivunja rekodi ya kipa wa klabu ya Mama site (Man city), Ederson ambaye usajili wake wa kujiunga na klabu hiyo uligharimu paundi milioni 34 akitokea Benfica nchini Ureno.