ZIDANE KUWALETA NYOTA WAWILI CHELSEA

Klabu ya Real Madrid ya nchini Hispania inaweza ikawaruhusu nyota wake wawili raia wa Hispania, Isco na Marco Asensio kuungana na Chelsea katika dirisha kubwa la usajili litakalofunguliwa mara baada ya misimu ya ligi kuu kuisha..

Nyota hao wawili wanaweza kuungana na nyota mwenzao, Alvaro Morata ambaye walikuwa nae klabuni Real Madrid kabla ya mshambuliaji huyo kuungana na Chelsea katika dirisha kubwa la usajili lililopita ambapo kuhusishwa kwao kutua Chelsea kunatajwa kuchangizwa na kukosa nafasi katika kikosi cha kocha wa klabu hiyo Zinedine Zidane na hivyo kutoka taarifa kuwa wanaweza kuondoka klabuni hapo na kujiunga na Chelsea kama kocha huyo ataendelea kubaki Madrid.

Chelsea iliwai kuripotiwa kumuwania Marco Asensio huku dau la paundi milioni 119 likitajwa kutumika na mmiliki wa Chelsea, Roman Abramovich ili kumnasa nyota huyo ambaye inaelezwa anavutiwa na nyota huyo mwenye miaka 22 kwa sasa lakini pia kwa upande wa Isco aliwai kufika jijini London na kukutana na mshambuliaji wa Chelsea, Alvaro Morata ambaye inaelezwa wana urafiki wa muda mrefu.

Darajani 1905 inaelewa ili usajili huu ukamilike itakuwa ngumu kwa Real Madrid kukubali bila na wao kumnasa nyota wa Chelsea kwa maana hiyo iwe kwa kumtumia mmoja kama chambo au wote wawili basi itataka kulazimisha imnase Eden Hazard.