BATSHUAYI AIFUNGIA DORTMUND GOLI LA USHINDI

Jana tena ilikuwa siku nyengine ya furaha kwa nyota wa Chelsea ambae kwa sasa anaitumikia klabu ya Borrusia Dortmund kwa mkopo, Michy Batshuayi mara baada ya kuifungia klabu hiyo goli pekee na la ushindi katika mchezo wa ligi kuu Ujerumani ambapo klabu hiyo ilicheza dhidi ya Hannover.

Borrusia Dortmund ilipata ushindi huo mwembamba wa goli 1-0 kupitia kwa nyota huyo anayejiita jina la utani la Batsman akifunga kwa ustadi mkubwa akionganisha krosi iliyopigwa vyema na kuufanya mchezo huo kuisha huku Batshuayi akionekana kuwa shujaa kwa kufunga goli moja na jengine ikibakia kidogo iingie nyavuni lakini ukigonga mwamba.

Batshuayi mwenye miaka 24 mpaka sasa ameshaichezea Dortmund michezo 11 na kuifungia magoli nane tangu ajiunge na klabu hiyo siku ya mwisho ya dirisha dogo la usajili la mwezi Januari.