Chelsea hatihati kumkosa Isco

Nyota wa klabu ya Real Madrid ambaye ni raia wa Hispania, Isco amekuwa akitajwa kutaka kuachana na klabu hiyo ya jijini Madrid nchini humo ambapo kati ya klabu zinazotajwa kumuwania nyota huyo ni pamoja na klabu ya Chelsea.

Sasa huenda usajili huo ukaingia doa na kusababisha usikamilike kutokana na dau la nyota huyo kuonekana kuwa kubwa na kama klabu inamtaka basi itabidi ijitoe jasho ili kumnasa.

Imefahamika klabu yake ya Real Madrid ilipendekeza dau paundi milioni 640 (euro milioni 700) ambalo kama klabu ikimtaka katika kipindi iki akiwa na mkataba mpaka 2022 basi klabu hiyo itabidi itoe dau la kiasi hicho.

Isco kutakiwa na Chelsea kumekuwa kukizidisha tetesi za Eden Hazard kutakiwa na  Real Madrid inayomfukuzia kwa muda mrefu sasa lakini uwepo wa Alvaro Morata klabuni Chelsea kunaipa nafasi kubwa klabu hiyo kumnasa Isco kutokana na urafiki uliopo kati yake na mshambuliaji huyo wa Chelsea.