Eden Hazard amwambia Courtois juu ya kutakiwa na Real Madrid

Nyota wa Chelsea, Eden Hazard na mwenzake Thibaut Courtois ambao wote wamekuwa wamehusishwa kutakiwa kwa karibu na klabu ya Real madrid inayopatikana nchini Hispania na kushiriki ligi kuu nchini humo wamezua tena habari mpya mara baada ya mfululizo wa habari nyingi zikiwataja kuridhia kujiunga na klabu hiyo.

gazeti moja nchini Hispania limeripoti kuwa Eden Hazard amemwambia mlinda mlango huyo kuwa yupo tayari kujiunga na klabu hiyo ya Real Madrid katika kipindi cha kiangazi mwishoni mwa msimu huku uhamisho wa nyota huyo ukitajwa kufungua milango kwa nyota wa Real Madrid, Isco ili ajiunge na Chelsea.

Taarifa hizo zinadai kuwa Eden hazard anaamini kuondoka kwake klabuni Chelsea na kujiunga na klabu hiyo ya Real Madrid kutafungua milango kwa nyota huyo raia wa Hispania kujiunga na Chelsea huku uwepo wa rafiki yake, Alvaro Morata klabuni Chelsea kukitajwa kuchochea usajili huo kwa kiasi kikubwa.

Isco amekuwa hana uhakika wa kupata nafasi katika kikosi cha Real Madrid hali inayofanya kuhusishwa kwake kuondoka klabuni hapo ili kutafuta maisha kwenye klabu nyengine atakayopata nafasi zaidi.