Kante atoa neno juu ya kiwango na ubora wa Giroud

Nyota wa Chelsea, N'golo Kante amefanyiwa mahojiano na kuulizwa juu ya kiwango cha nyota mwenzake wa klabuni Chelsea ambaye pia ni mchezaji mwenzake kwenye kikosi cha timu ya taifa ya Ufaransa, Olivier Giroud ambaye alisajiliwa na Chelsea katika dirisha dogo la usajili la mwezi Januari.

"Tunajua kama Giroud ni mfungaji mzuri, hatuna wasiwasi katika hilo. Ameshafunga magoli mengi kwenye ligi kuu akiwa na Arsenal, haswa msimu uliopita, lakini bado hakupata michezo mingi ya kucheza"

"Bado amecheza michezo michache tangu atue Chelsea, ila tunaamini atafanya makubwa zaidi" alisema kiungo huyo raia wa Ufaransa.

Olivier Giroud aliyesajiliwa na Chelsea kwa dau la paundi milioni 18 huku akisaini mkataba wa mwaka mmoja na nusu mpaka sasa ameshaichezea Chelsea michezo nane na kuifungia goli moja katika mchezo wa kombe la FA dhidi ya Hull city.