NUSU FAINALI FA, CHELSEA KUCHEZA DHIDI YA GWIJI WAKE

Jana Chelsea ilipata ushindi wa 1-2 ikiwa ugenini dhidi ya Leicester katika mchezo wa robo fainali ya kombe la FA, ushindi ambao ulimaanisha Chelsea inafudhu kucheza nusu fainali kwa mara ya pili mfululizo.

Mara baada ya mchezo huo wa Leicester city dhidi ya Chelsea kumalizika ikamaanisha tukio linalofata ni kupangwa kwa michezo ya nusu fainali kwa mtindo wa kuchezeshwa droo na droo hiyo ilipochezeka, Chelsea ikapangwa kucheza dhidi ya Southampton ambayo inafundishwa na mchezaji wa zamani wa Chelsea, Mark Hughes ambao wenyewe wamefika hatua hiyo kwa kuibamiza klabu inayoshiriki ligi daraja la kwanza (Championship), klabu ya Wigan.

Sasa Chelsea imepagwa kucheza dhidi ya gwiji huyo aliyewai kuichezea Chelsea kwa mafanikio makubwa ndani ya miaka ya 1990+ wakati nusu fainali nyengine ikipangwa kuchezwa kati ya Tottenham Hotspurs dhidi ya Man utd.

Michezo hiyo itachezwa tarehe 21 na 22 ya mwezi Aprili.