Cesar atamani ushindi, kutoa heshima kwa Ray Wilkins

Chelsea itacheza dhidi ya West Ham hapo kesho kwenye mchezo wa ligi kuu Uingereza, mchezo ambao kama Chelsea itafanikiwa kushinda basi itajiweka kwenye nafasi nzuri ya kufudhu kucheza michuano ya klabu bingwa Ulaya kwa msimu ujao.

Kwa maana hiyo, huu ni mchezo muhimu kwa Chelsea ikiwa inahitaji kupata alama tatu muhimu.

Lakini ushindi huo hautokuwa wa muhimu kwa kupambania kufudhu tu ila pia ni muhimu kwa Chelsea ili kutoa heshima kwa gwiji wake ambaye alifariki katikati ya wiki hii, hiyo ni kama ilivyonukuliwa kutoka kwa nahodha msaidizi wa Chelsea, Cesar Azpilicueta.

"Mimi kama mimi napenda kutoa heshima yangu ya mwisho kwa Ray [Wilkins] na alichokifanya katika maisha yake ya soka haswa kwa klabu yetu na napenda kutuma salamu zangu za pole kwa familia yangu"

"Nafikiri kwa kiasi alivyoipenda Chelsea na kuitumikia lilikuwa ni jambo kubwa sana. Kusimama kwa dakika moja kutoa heshima kwake litakuwa ni jambo la muhimu, lakini kupata ushindi litakuwa jambo la muhimu zaidi kwa kusema asante na kutoa heshima kubwa kwake na kwa familia yake kwa kila jambo alilolifanya kwa Chelsea" alisema mlinzi huyo raia wa Hispania.

Ray Wilkins aliwai kuitumikia Chelsea kama mchezaji akicheza nafasi ya kiungo lakini pia akiitumikia kama kocha msaidizi huku akiisaidia kushinda mataji kadhaa haswa msimu wa 2009-2010 ambapo Chelsea ilishinda mataji mawili, moja likiwa la ligi kuu wakati jengine likiwa la kombe la ligi.