Chelsea kushiriki michuano ikijiandaa na msimu mpya

Klabu ya Chelsea imethibitisha kushiriki michuano ya International Champions Cup (ICC) kwa mwaka 2018 kama sehemu ya michezo ya kujiandaa na msimu ujao wa 2018-2019.

Chelsea imethibitisha kushiriki michuano hiyo maarufu kama ICC ambayo hufanyika kipindi cha kujiandaa na msimu mpya ambapo hii itakuwa mara ya tano kwa Chelsea kushiriki kwenye michuano hiyo, mara ya kwanza kushiriki ilikuwa mwaka 2013.

Chelsea itaungana na klabu kadhaa barani Ulaya ambazo nazo zimethibitisha kushiriki mara baada ya msimu huu kuisha.

Ratiba ya michuano hii inatarajiwa kupangwa wiki ijayo.